Gipahugtan sa kapulisan ang ilang pagbantay sa mga eskwelahan tungod sa mga hulga nga makita sa social media nga mahimong makahatag og kahadlok ug peligro sa mga estudyante ug school personnel.
Matod ni PLtCol. Luis Pederio, hepe sa City Community Affairs and Development Unit, importante nga mahibal-an sa mga estudyante ang hustong safety measures aron malikayan ang peligro ug makapangandam kung adunay mahitabo nga emerhensiya sulod sa eskwelahan.
Gimandoan usab ang mga police station nga aktibong magpadayon sa information drive ug makigtambayayong sa mga eskwelahan alang sa pag-monitor sa mga posibleng hulga.
Giawhag ang tanan nga dili i-ignore ang mga kahina-hinalang post o mensahe sa social media ug i-report dayon kini sa kapulisan o sa school administration aron mapamatud-an ug maaksiyonan sa hustong paagi._
