Andam na ug puno sa determinasyon ang 890 ka delegado gikan sa rehiyon sa SOCCSKSARGEN alang sa umaabot nga Palarong Pambansa 2026 nga pagahimoon sa Agusan del Sur sugod Mayo 24, 2026.
Matud ni Jojo Duhilag, Chief sa Education Sports Division ug program holder sa Soccsksargen Regional Athletic Association (SRAA) nga andam na ang tibuok delegasyon sa pag-atubang sa 18 ka rehiyon nga ilang makalaban sa nasudnong torneyo.
Giingon ni Duhilag nga hatagan sa SOCCSKSARGEN ug “good fight” ang matag kompetisyon ug ipakita sa ilang mga atleta ang ilang kusog, disiplina, ug talento sa nagkadaiyang dula.
Dugang pa niini nga ang mga magdudula sa SOCCSKSARGEN ANG muadto sa Palarong Pambansa dili lamang aron motambong kondili aron modaog ug dili magpapildi.
Nagpabiling taas ang morale ug kumpiyansa sa delegasyon samtang nagpadayon ang ilang pagpangandam alang sa usa sa pinakadakong sporting event sa nasud.
