Gipahibalo sa PAGASA -Gensan nga wala pa hingpit nga nasinati sa nasod ang epekto sa El Niño phenomenon bisan pa man og padayon na ang pagsaka sa temperatura sa pipila ka mga lugar.
Matud ni Binrio Biñan, chief meteorologist sa PAGASA Gensan, anaa pa lamang karon sa El Niño alert status ang nasod ug posible pang mas mobati ang publiko sa epekto niini sa mosunod nga mga bulan.
Matud pa niya nga ang El Niño mahimong hinungdan sa taas nga temperatura ug kakulang sa ulan nga makaapekto sa agrikultura, suplay sa tubig, ug panglawas sa katawhan.
Tungod niini, giawhag sa PAGASA ang publiko nga mag-andam ug magmatngon ilabi na sa pagtipid sa tubig ug paglikay sa grabeng kainit aron malikayan ang mga sakit sama sa heat exhaustion ug heat stroke.
Padayon usab nga ginabantayan sa PAGASA ang kahimtang sa panahon aron mahatagan dayon og updates ug pahimangno ang publiko kabahin sa posibleng paglala sa El Niño phenomenon.
