GENERAL SANTOS CITY – Dili pa panahon nga hisgutanan ang pulitika apan ang maayong hisgutan ang pagbahin sa distrito sa dakbayan nga maghatag ug kalambu-an sa syudad.
Kini ang nahimong pahayag ni Senador Manny Pacquiao dungan sa pagkumpirma nga ginalakaw na niini nga mahimong tulo ka distrito ang General Santos City human kini nahimulag sa unang distrito sa South Cotabato.
Rason sa Senador nga kung may tulo kini ka distrito mahimong triple ang pundo nga makuha gikan sa gobyerno aron managhan ang ibutang nga proyekto.
Samtang giangkon nga pabug-at alang kaniya ang gihatag nga posisyon sa partido pulitikal nga PDP Laban nga nakatotok sa kabag-uhan ug kalambuan sa publiko human nahimong tibuok nasud naman ang iyang pagadumalahan.
Samtang gibutyag sa Senador nga pag-abut sa 2022 mamahimo na nga adlaw-adlawon ang paghisgot sa pulitika.
Kahinumduman nga gikumpirma niini nga mupapili pagka-Mayor sa syudad ang iyang bayaw nga si ABC President Lorelie Pacquiao.
