Kapin sa 19,000 ka mga public utility vehicles sa tibuok nasod ang gikatakdang moapil sa government service contracting program ugmang adlawa, Lunes, Abril 20.
Sumala kang acting Transportation Secretary Giovanni Lopez, gimandoan niya ang Land Transportation Franchising and Regulatory Board nga tabangan ang mga kuwalipikadong drayber ug operator ilalom sa maong programa, apil na ang nagparehistro pinaagi sa online.
Dugang pa niya nga sulod sa 24 oras kinahanglan ma-onboard na sila aron makasugod dayon sa pag-apil sa SCP. Tungod sa malampusong information campaign, misaka ang ihap sa mga nagparehistro sa programa.
Ubos sa SCP, mohatag ang gobyerno og subsidiya nga P30 kada kilometro para sa jeepney, P40 para sa modern jeepney, ug P100 para sa bus.
Nagtuo ang opisyal nga kon modaghan ang registrants, modaghan usab ang mga pasahero nga makabenepisyo sa maong programa.
