Gipaklaro karon sa Department of Social Welfare and Development nga dili na kinahanglan ang bisan unsang sertipikasyon gikan sa Commission on Elections alang sa mga kwalipikadong public utility vehicle drivers sa pagkuha sa ilang cash relief assistance.
Kini human sa balita gikan sa Cebu City nga giingnan ang usa ka ‘habal-habal’ driver nga kinahanglan pa og certificate gikan sa COMELEC aron makakuha og lain nga ayuda.
Sumala kang DSWD spokesperson ug assistant secretary Irene Dumlao, ilang tumong nga mapaspasan ang paghatag sa cash assistance mao nga giwagtang na ang maong requirement.
Gipasabot usab niya nga ang P5,000 nga cash aid ilalom sa Assistance to Individuals in Crisis Situations gihatag sa mga kuwalipikadong PUV drivers tungod sa pagsaka sa presyo sa lana.
Giingon sa DSWD nga pinaagi niini, mas dali ug mas episyente na ang paghatag og tabang sa mga drayber nga apektado sa krisis sa gasolina.
