GENERAL SANTOS CITY – Sa adlaw Agusto 4, 2024 pa ang mandatory age retirement ni Brigadier General Parcival Agustus Placer apan ipahigayon ug sayu ang retirement honors ug turn over ceremony sa musunod nga Regional Director sa Police Regional Office 12.
Sa gipagawas nga abiso ni Police Major Rizza Hernaiz sa Regional Public Information Office nga alas dos sa hapon matigayon ang pagtugyan sa gahum sa wala gipanganlan nga bag-ong mulingkod nga labaw sa kapulisan.
Nakabutang lamang ang pangalan ni Police Major General Bernanrd Banac Acting Commander, Area Police Command- Western Mindanao ang mag officiate sa turn over apan wala gibutyag ang muhulip kang Placer.
Kahinumduman nga si General Placer ang milingkod nga labaw sa kapulisan kaniadtong Abril dihang gihulipan niini si Brigadier General Jimili Macaraeg .
Nakalabay nga adlaw miabut si General Banac sa Camp Paulino T. Santos aron magpahigayon ug staff visit sa mga sakop sa Regional Mobile Force Battalion.
