Miabot na sa kapin 6,000 ka pamilya ang naapektuhan sa Bagyong Luis sa Bicol Region, Zamboanga Peninsula, ug Bangsamoro Autonomous Region, sumala sa taho sa National Disaster Risk Reduction and Management Council (NDRRMC).
Pito ka lugar sa Zamboanga Peninsula ug BARMM ang nagpabiling nalubog sa baha, samtang gisuspenso ang biyahe sa siyam ka pantalan sa Calabarzon ug Bicol nga hinungdan sa pagkablangko sa hapit 500 ka pasahero.
Matud sa Department of Social Welfare and Development, kapin P280,000 nga kantidad sa ayuda ang naapod-apod ngadto sa mga apektadong residente sa Bicol Region.
Samtang, gideklarar sa pamahalaang panlalawigan sa Camarines Sur ang Red Alert niadtong Agosto 1 isip tubag sa hulga nga dala sa bagyo.
Nagpadayon ang pagpataas sa mga pahimangno sa amihanang Luzon diin gipaabot ang kusog nga ulan ug hangin.
Gipahinumdoman ang mga residente nga mag-andam batok sa posibleng pagbaha ug pagdahili sa yuta samtang padayon nga ginabantayan sa mga ahensya sa gobyerno ang kahimtang sa mga lugar nga grabeng naapektuhan sa Bagyong Luis.
