Nakuha sa Filipina tennis star nga si Alex Eala ang kampiyonato sa WTA 500 Mubadala DC Open human niya mapildi si world No. 3 Jessica Pegula sa final match.
Kini ang unang WTA Tour title ni Eala ug mao usab ang pinakadakong kadaugan sa iyang karera sa tennis.
Ang kadaugan ni Eala usa usab ka balos batok kang Pegula nga mipildi kaniya sa semifinals sa 2025 Miami Open.
Nakuha ni Pegula ang unang set, 6-4, apan gisuspenso ang duwa tungod sa kusog nga ulan.
Sa pagpadayon sa duwa, mibalik si Eala sa iyang kusog ug gipildi si Pegula sa second set, 6-4. Sa deciding set, wala na niya hatagi og higayon ang Amerikanang atleta human niya kini i-blangko sa 6-0 aron makuha ang titulo.
Sa wala pa ang final, gipildi una ni Eala ang kanhi world No. 1 ug four-time Grand Slam champion nga si Naomi Osaka sa semifinal.
Gipildi usab niya sa miaging rounds sila world No. 10 Elina Svitolina, defending champion ug Filipino-Canadian nga si Leylah Fernandez, ug Olympic champion nga si Qinwen Zheng.
