GENERAL SANTOS CITY – Gilaumang magpagawas og desisyon unsa mang adlaw ning semana ang National Food Authority (NFA) Region 11 may kalabotan sa imbestigasyon sa rice re-bagging nga nadiskubre sa usa ka bodega sa Brgy. Apopong ning syudad miaging semana.
Kahibaluan nga gipahigayon ang hearing sa administrative case sa nagpangalan ug Gemma Liboon kon asa kung mapamatud-ang guilty ang nasampit, mamahimong pamultahon.
Una niini, gibutyag ni Dianne Silva ang regional director sa NFA Region 11 nga klaro sa imbestigasyon nga ang NFA rice ang dili gikan sa ilang buhatan kung asa gikan sa NFA Region 12.
Gibutyag pa niini nga mismo na ang mga empleyado sa NFA South Cotabato ang nagkumpirma nga kang Liboon nila gibaligya ang ilang rice allowance.
Kahibaluan nga ‘no comment’ ang kasagarang tubag ni Libuon sa mga pangutana ngadto kaniya kalabot sa nahitabo.
