GENERAL SANTOS CITY – Balido ang Republic Act No. 11935 nga nag-postpone sa Barangay and Sangguniang Kabataan Elections.
Kini ang gikabutyag ni Atty. Teodoro Sales, usa sa mga inilang abogado sa dakbayan. Matud niini nga dili mandato sa konstitusyon ang pagsibog sa election hinungdan nga may gahum ang kongreso nga isibog ang sa piniliay.
Sa iyang pamahayag nga mamahimong madugayan pa ang pagpagawas sa korte suprema sa ilang desisyon may kalabutan sa isyu.
Apan sa pikas bahin, buot usab sa nasampit nga abogado nga unta dili na sigihon pa ug lugway ang termino sa barangay ug SK elections.
Kahibaluan nga pila na kahigayon nga na-postponed ang election sa barangay. Kahinumdoman nga una gipirmahan sa hingpit ni Pang. Marcos ang Republic Act No. 11935, ang kongreso ang unang nag-aproba niini.
