Nagpabiling walay kaso sa mpox sa Region 12.
Matud ni Dr. Dyan Zubelle Parayao, Medical Officer 4 sa DOH-Center for Health Development SOCCSKSARGEN Region nga dili pa kumpirmado kun dili suspected pa lamang ang duha ka mga indibiwal kini human nakitaan ug mga sintomas nga gitakbuyan og mpox.
Matud ni Dr. Parayao, ang duha ang nakasinati og hilanat, mga pantal og mga butlig-butlig sa lawas hinungdan nga naka-isolate sa kasamtangan og padayong gimonitor ang mga kahimtang.
Gibutyag niini nga tanang ‘close contact’ sa duruha ang naka-quarantine na usab sa kasamtangan.
Ilaha na lang gipaabot karong semanaha ang paggawas sa resulta sa gihimong mga pagsusi aron masayran kung kumpirmado nga natakbuyan ang duha sa mpox.
Hinuon gibutyag ni Dr. Parayao nga dili angayang maalarma ang katawhan, apan angayan lang nga mag-amping .
