-- ADVERTISEMENT --
Nagapangurog pa ang usa ka estudyante samtang nagpaambit sa dili maayong kasinatian human giingong gihikap sa dili angay nga paagi sa usa ka traysikol drayber samtang padulong sa tunghaan sa General Santos City.
Trauma ang nasinati sa estudyante tungod sa maong insidente, diin desidido na ang iyang pamilya nga pasakaan og kaso ang drayber nga giingong responsable sa nahitabo.
Matud sa estudyante, nahitabo ang insidente samtang siya lamang ang pasahero sa maong traysikol. Gitugyan na sa pamilya ngadto sa mga awtoridad ang maong insidente ug andam usab ang estudyante nga motabang sa pag-ila sa drayber.
Padayon na ang imbestigasyon sa mga awtoridad aron masuta ang tinuod nga nahitabo ug mapasaka ang angay nga kaso batok sa suspetsadong drayber.
