Gihangyo ni US President Donald Trump si Ukrainian President Volodymyr Zelenskiy nga undangan ang mga pag-atake sa diesel infrastructure sa Russia tungod sa giingong dili maayong epekto niini sa global fuel supply ug sa padayong pagsaka sa presyo sa lana.
Ang pahayag sa lider sa Estados Unidos gisundan sa sunod-sunod nga long-range drone attacks sa Ukraine batok sa mga oil refinery sa Russia sa milabay nga mga bulan, nga miresulta sa dakong pagkunhod sa fuel production ug kakulang sa suplay sa sulod sa Russia.
Matud ni Trump, daghan matod pa og laing mahimong target ang militar sa Ukraine ug dili ang mga pasilidad sa diesel ang angay puntiryahon.
Samtang, nagpabilin ang baroganan sa Ukraine nga lehitimong ‘military targets’ ang mga Russian refinery tungod kay direktang gigamit kini sa pagpondo ug pagsuporta sa war effort sa Moscow.
Sa pagkakaron, misaka na sa kapin unom ka dolyar matag galon ang average price sa diesel sa Estados Unidos, samtang gipaubos sa Russia ang forecast niini sa oil production karong tuiga ngadto sa labing ubos nga lebel sulod sa 17 ka tuig tungod sa grabeng epekto sa gubat.
