GENERAL SANTOS CITY – Dili pa masugdan ang rebuilding sa nadaut nga mga government infrastructures tungod sa mga nasinati-an nga aftershocks, kini ang nahimong pahayag ni Pangulo Ferdinand Marcos Jr. human ang gihimong pakig estorya kang Gensan Mayor Lorelie Pacquiao.
Ang Pangulo ang mibisita kagahapong adlawa ug personal nga gitunol ang mga hinabang gikan sa Department of Social Welfare and development kauban si Secretary Rex Gatchalian.
Nag-unang tumong sa pagbisita sa Pangulo aron masayran ang nag-unang panginahanglan sa mga residente nga naapektuhan sa 6.8 magnitude nga linog.
Naa usab ang presensya ni DILG Secretary Benhur Abalos Jr. nga gitagbo sa lain laing LGU opisyal sa Sarangani lakip sa Bureau of Fire protection nga nahimong kabahin sa mga first responders.
Nalipay ang mga residente dihang nahimamat ang Pangulo samtang gatunol sa gift pack og cash gift sa mga apektadong residente .
Samtang mipadangat usab sa ilang report ang pipila ka local Chief Executives sa damyos sa epekto sa linog sa ilang tagsa ka lugar.
