GENERAL SANTOS CITY – Ang kapulisan na ang mahimong reklamante batuk sa usa ka Pulis nga nakapusil ug duha ka babaye nga nakalalis gumikan sa trapiko.
Matud kang Police Captain Brent Salazar, hepe sa San Isidro Police Station nga sulod sa 36 oras ila nga buhi-an si SSgt Marvin Roy Cloma imbestigador sa Traffic Management Unit human nagsureder bitbit ang iyang service pistol.
Dugang ni Salazar nga napungot ang Pulis human gisita silang Mary Grace Causon ug Camelo Quizon Lebria nga hapit madasmagan ang igsuon niini nga babaye samtang nagmaneho ug motor.
Gigukod matud pa ni Cloma ang duha ug naabtan sa usa ka traffic light apan dihang gi estorya na kalit na GO ang trapiko hinungdan nga mipaturatoy padagan ang duha ka babaye apan gipusil kini ni Cloma hinungdan nga pulos nakaangkon ug samad sa likod ang duha ka babaye nga nadala sa tambalanan. G
ikadugang sa Opisyal nga tubagon ni Cloma ang paggamit sa service firearms luyo nga off duty ug nakasibilyan lamang.
Gikumpirma usab ni Salazar nga makaduha ka higayon nga nagpabuto sa 9mm Glock pistol ang suspek nga mamahimo nga kasuhan ug Frustrated Homicide kung desisido ang mga biktima sa pagpasaka ug kaso pibnaagi sa regular filling.
