PSO Gensan nagpahimangno batok sa pagpameke og requirements sa pag-apply og prangkisa sa tricycle

GENSAN- Padayong abli ang Public Safety Office sa dakbayan sa pagdawat og aplikasyon alang sa mga gustong makaangkon og prangkisa para sa ilang tricycle.

Matod ni Atty. Jong Gonzales, labaw sa PSO Gensan nga  padayon ang ilang pag-asikaso sa tanang nag-apply kung asa ilang gihangyo ang mga driver nga kumpletuhon ang tanang requirements aron paspas ang pagproseso.

Nagpahimangno ang nasampit nga opisyal sa mga mameke og mga requirements tungod sila posibleng masilotan sama sa pag-atubang sa kasong perjury.

Sa iyang pamahayag nga nakadawat sila og report nga adunay nameke og Comelec certification kung asa bawal kini.

Gipasalig sa PSO nga andam silang motabang sa mga driver nga gustong makaangkon og prangkisa aron mahimong legal ang pagpamasada.