Nakaangkon og hamstring injury sa iyang tuo nga tiil ang Filipino-American rookie nga si Dylan Harper atol sa Game 2 sa Western Conference Finals tali sa San Antonio Spurs ug Oklahoma City Thunder.
Nahitabo ang insidente sa ikatulong quarter dihang misulay si Harper og lusot tali nila Ajay Mitchell ug Shai Gilgeous-Alexander aron makapuntos pinaagi sa driving lay-up.
Sa iyang pagtugpa, natumba siya ug diha-diha dayong mibati og kasakit sa likod nga bahin sa iyang tuo nga tiil.
Misulay pa si Harper og lakaw pabalik sa bench apan giubanan dayon siya sa medical staff sa Spurs padulong sa locker room alang sa gilayong pagtan-aw sa iyang kondisyon.
Sa wala pa siya naangol, nakatala si Harper og 12 points, tulo ka assists, ug duha ka rebounds sulod sa 25 minutes nga pagdula.
Naila si Harper isip usa sa napili sa NBA All-Rookie First Team karong tuiga ug bag-o lang usab nakarekord og double-double performance sa Game 1 sa serye.
