Magabalik sa entablado sa pageantry si Michelle Dee isip host sa Miss Grand International All Stars 2026 nga pagahimoon karong Mayo 28 sa MGI Hall sa Bangkok.
Kuyog niya sa maong kalihokan sila Emma Mary Tiglao ug Paweensuda Drouin aron mangulo sa preliminary swimsuit competition nga magapakita sa katahom, talento ug kumpiyansa sa mga kandidata gikan sa nagkalain-laing nasud.
Sukad sa iyang pagkadaog isip Miss Universe Philippines 2023, padayon nga namatikdan si Michelle sa kalibutan sa pageantry ilabi na human siya nakasulod sa Top 10 sa Miss Universe 2023 ug nakadaog sa Best National Costume ug Voice for Change Gold Winner.
Gawas sa pageantry, aktibo usab siya sa pagpasiugda sa autism awareness ug inclusivity pinaagi sa iyang mga adbokasiya ug sa pagpanguna sa The Inner Peace Foundation.
Usa usab siya ka PAF Reservist ug nagpadayon sa iyang karera sa entertainment pinaagi sa iyang mga proyekto ug kanta nga “REYNA” ug “Makatanong.”
