Nakasinati ug grabeng pag-ulan ang nagkalain-laing bahin sa probinsya sa Sarangani nga maoy hinungdan sa pagbaha sa pipila ka mga lungsod, ilabina sa munisipalidad sa Maitum.
Base sa mga inisyal nga report, misaka ang lebel sa tubig sa mga sapa ug suba tungod sa padayon nga kusog nga ulan, hinungdan nga nalubog ang ubang mga dalan ug komunidad. Lisod usab ang pag-agi sa pipila ka mga motorista ug mga lumulupyo tungod sa kusog nga bul-og sa baha.
Sa Maitum, adunay mga kahoy nga natumba tungod sa walay hunong nga pag-ulan. Samtang, ang mga lokal nga awtoridad padayon sa pag-monitor sa sitwasyon ug nagpadayon usab ang assessment sa kadaot nga nahimo sa baha sa mga komunidad nga naapektuhan.
Giawhag ang mga residente nga nagpuyo duol sa mga suba ug kabukiran nga magpabiling alerto ug mosunod sa mga advisories sa ilang lokal nga panggamhanan aron malikayan ang posibleng peligro
