GENERAL SANTOS CITY – Gipaniguro ni Police Regional Office 12 Director Brigadier General Jimili Macaraeg nga madawat sa pamilya ni Corporal Ricky Gomez ang tanan nga benipisyo sa gobyerno lakip ang Presidential Support Special Assistance.
Kini human gidala sa Kidapawan City ang patay nga lawas sa nahisgutang pulis human gipusil patay dinhi sa Gensan.
Matud ni Macaraeg nga nagpadayon ang imbestigasyon kung asa nakatigum na ug mga ebidinsya nga magtombok sa mga suspek.
Giangkon sa Opisyal nga nasubo sa nahitabo nga pagpanaw sa Chief Intelligence Officer sa Pikit Municipal Police Station.
Hinuon pagsugod pa lamang sa usa ka pulis nasayod na sila nga kinabuhi ang nakataya sa ilang trabaho luyo nga ginahimo ang tanan nga makaya aron maprotektahan ang ilang personnel lakip ang pamilya.
Gibutyag ni Macaraeg nga work related ang nahitabo kang Corporal Gomez.
Kahinumduman nga sakay sa iyang motor ang biktima dihang paghidangat sa diversion road sa Brgy. Sinawal ning syudad gipusil kini gamit ang armalite rifle nga nagresulta sa hinanali nga kamatayon.
