Tun-an ni Senadora Nancy Binay ang posible niining pagpasaka og reklamo sa Senate Committee on Ethics kontra kang Senador Alan Peter Cayetano, kini may kalambigitan na sa gipakitang taras sa Senador kang Senadora Binay sa Senate Hearing ning nakalabayng adlaw.
Kahinumdumang naglalis atul sa ilang pag-atubang sa Senate hearing ang duha ka senador may kalambigitan sa pagtuki sa gipatukod nga bag-ong Senate Building sa Taguig City, diin ang init nga diskusyon, ningresulta sa personalan. Kahinumdumang gikantsawan ni Cayetano si Binay nga Lourdes matud pa ang pangalan niini, ug dili Marites.
Gitawag usab niini si Binay nga “nabuang na ka day?”, gipasumanginlan pa ni Cayetano si Binay nga naghatag matud pa og mga pangutana daan sa mga media arun lang makonek ang isyu sa bag-ong senate building sa isyu sa Makati ug Taguig.
Sigon ni Binay nga kinahanglan nga mangayo matud pa og pasaylo si Cayetano sa Senate Media, bisan og dili na saiyaha, tungod kay ugaling mangayo man og pasaylo si Cayetano niini, fake na daw kini.
