GENERAL SANTOS CITY – Nakasuhan na ang driver ug 3 ka sakay sa usa ka bonggo nga gikargahan sa 52 ka unit sa slot machine kon tolendoy nga nhkarang sa kapulisan sa checkpoint sa Tinagacan Police Station.
Matud pa, kasong pagsupak sa Preidential Decree 519 kon importation of slot machine ang giatubang sa driver nga si Elpidio Caypilan og mga kauban nga silang Jesse Fretz Cumainkin, Jonard Ybero, Noven Rey Apatan nga naa karon sa selda.
Sa pakighinabi sa Bombo Radyo, gibutyag sa driver nga gikan ang mga tolendoy sa Digos City human giarkilahan ang bonggo og P2,000.
Pag-abot sa checkpoint sa Tinagacan PNP, giharang sila sa mga pulis og dihang giwahing ang trapal nga gitabon sa bonggo, didto nadiskubre ang mga karga nga slot machine.
Gipanghimakak nga ipang-distribute sa mga balay-balay ang mga slot machine kung asa 30 pa ka unit ang mugana.
Ihatud matud pa kini sa balay sa taga-iya nga gihinganlan niini ug Mayde Fuentes nga taga Uhaw fatima.
Kahibaluan nga mismong si P/Sr Insp. Roel Abejero ang hepe sa Tinagacan Police station ang gilayong nagmando sa mga sakop nga i-hold ang mga tolendoy dihang naharang niadtong Sabado, pasado alas 11;00 sa gabie.
