Padayon pa ang gihimong assessment kung pila ang damyos sa natigayon nga pagbaha sa Maitum, Sarangani Province.
Matud pa ni Rene Punzalan, sa Provincial Disaster Risk Reduction and Management Office kon PDRRMO nga anaa sa 70 ka pamilya ang nanghikling gumikan miawas na ang Kalaong River gumikan sa kakusog sa tubig baha.
Gawas pa niini nadaut usab ang taytayan kung asa daghang kahoy ang natumba nga mibabag sa kadalanan nga miresulta nga na-stranded ang mga sakyanan.
Samtang nakita na sa mga rescuers ang magtutudlo nga si Janet Colorado, 38 anyos nga taga Prk. 4, Brgy. Old Poblacion, Maitum, Sarangani Province.
Base sa imbestigasyon nga ang biktima kauban ang bana ang sakay sa motorsiklo samtang anaa Brgy. Batian-Zion adunay dakong lapok nga kadalanan gumikan sa pagbaha.
Sa dihang ilang giberipika kung pwede agian ang dalan nahugno ang lapok hinungdan nga naanod ang magtutudlo apan nakaluwas ang bana.
Ang mga pulis sa lugar ang mitabang sa paghikling sa mga residente aron masiguro ang ilang kaluwasan.
