Pangulo sa nasud may gahum nga magpatuman ug mga balaod nga masilutan ang mga nalambigit sa agricultural smuggling sumala sa usa ka abogado ning dakbayan

GENERAL SANTOS CITY – Gihingusgan ni Atty. Rey Cartojano, co-anchor sa Duralex Sedlex sa Bombo Radyo GenSan nga mahimong basulon si Pangulong Ferdinand Marcos Jr. sa nahitabo nga mga agricultural smuggling sa nasud.

Sumala pa niini nga may gahum ang pangulo sa pagpatuman sa mga balaod aron nga masilutan ang mga nalambigit sa maong kahiwian.

Gikadugang pa niini nga angayang nga imbestigahan ang agricultural smuggling tungod dako ang mawala sa gobyerno sa buhis kung kini magpadayon.

Angay nga hugot nga tutukan ang maong mga ilegal nga aktibidad tungod makadaut sa ekonomiya.

Kahibaluan nga daghang mga agricultural products ang nakumpiska sa mga otoridad nga walay igong mga dokomento nga miresulta sa imbestigasyon sa mga magbabalaod.