Opisyal na nga gipakita ang logo sa Tuna Festival 2026, nga nagsimbolo sa kalig-on, panaghiusa ug bag-ong paglaom sa mga Henerals samtang nangandam ang General Santos City alang sa usa sa labing dakong kasaulogan niini.
Gidala sa maong logo ang tema nga “Giting at Pagkakaisa, Sa Pagbangon Sama-sama,” nga nagpakita sa hiniusang paningkamot sa katawhan sa General Santos sa pagbangon pag-usab ug pagpadayon bisan pa sa mga hagit nga nasinati.
Matud pa nga ang tema nagpasabot sa kusog sa panaghiusa ug kooperasyon sa komunidad aron mapadayon ang pag-uswag sa siyudad.
Gilauman nga ang Tuna Festival 2026 mahimong higayon dili lamang sa pagsaulog sa pagila sa Gensan isip Tuna Capital of the Philippines, kondili usab sa pagpasigarbo sa kultura, talento ug kalig-on sa mga Henerals pinaagi sa nagkalain-laing kalihokan atol sa kasaulogan.
