GENERAL SANTOS CITY – Nahimong emosyonal ang pamilyang Pacquaio dihang gihatud ang ilang kamaguwangang anak babaye nga si Princess Pacquaio tungod mo tungha na kini sa London. Sa video nga gi share ni Jinkee Pacquaio, naghinilakay ang duha niini ka mga anak babaye nga si Queenie ug Princess. Sumala pa kang Jinkee wala gayud nagkabulag ug layo ang duruha sukad-sukad, karun lang kini nahitabo tungod moeskwela na sa gawas sa nasud si Princess.
Kahibaloan nga gidayeg sa mga netizens ang mapinaggaon nga batasan sa mga anak nilang Manny ug Jinkee tungod bisan matud pa sa ilang katigayonan, simple gihapon kaayo ang mga nahisgutan. Gikadugang pa nga bisan sa ilang panimalay usa ra ang kwarto nilang Princess ug Queenie maong susama nalang ang emosyon nga migawas sa duruha lakip ang ilang ginikanan ug mga igsuon karun nga malayo na ni Princess.
Nasayran nga ang kinamaguwangang anak nilang Manny ug Jinkee nga si Jimuel Pacquaio ang atoa sa States tungod sa padayong mga training. Lakip nga mihatud kang Princess sa London si Peoples champ Manny Pacquaio, Jinkee, ug Michael Pacquiao.
