Gikoronahan ang representante sa probinsya sa La Union nga si Bea Millan-Windorski isip bag-ong Miss Universe Philippines.
Milabaw ang beauty queen sa La Union taliwala sa 50 ka mga kandidata sa coronation night nga gihimo sa MOA Arena sa Pasay City.
Gidayeg sa mga judges ang iyang tubag sa question and answer portion, diin ang pangutana kalabot sa daghang mga Pinoy ang dismayado sa nasod, busa naa pa bay bili ang pagrepresenta niini sa mga international competitions.
Mitubag siya nga mipauli siya sa Pilipinas tungod kay nagtuo siya sa daghang potensyal ug abilidad sa mga Pilipino.
Lakip sa mga nakaabot sa final ang sila Apriel Smith sa Cebu City, Marian Arellano sa Tarlac, Bella Ysmael sa Taguig, Nicole Borromeo sa Cebu Province, Allyson Hetland sa Pampanga, ug Jenrose Javier sa Sultan Kudarat.
Siya ang mopuli kang Ahtisa Manalo ug mahimong representante sa nasod sa ika-50 nga Miss Universe nga himuon sa Puerto Rico.
