Pagsaka sa presyo sa lana, nagpalisod sa adlaw-adlaw nga biyahe sa mga motorista sa Gensan

Nakasinati og sakit sa ulo ang mga motorista sa General Santos City tungod sa pagsaka sa presyo sa produktong petrolyo.

Sumala sa mga drayber, mura na og bulawan ang presyo sa gasolina ug diesel, apan wala silay kapilian kay kinahanglan gyud nila kini aron makaadto sa trabaho, makapasahero, o makapadayon sa adlaw-adlaw nga panginabuhi.

Epektibo ang pagtaas sa presyo sugod kagahapong adlawa tungod sa padayon nga tensyon sa Middle East, nga nakaapekto sa suplay sa lana sa merkado.

Bisan pa sa kabug-at sa presyo, nagpahinumdom ang mga motorista nga kinahanglan gyud kini paliton kay kini usa sa mga pangunang kinahanglanon sa katawhan.