GENERAL SANTOS CITY – Gihingusgan ni Atty. Jong Gonzales, department head sa Public Safety Office kon PSO ning dakbayan, nga walay kalabutan sa pulitika ang iyang pagpangyo ug pagpaklaro sa pipila ka mga probisyon nga nakalatid sa bag-ong balaod nga gipasa sa Sangguniang Panlungsod sa prangkisa sa tricycle sa miaging tuig.
Sa iyang pagpaklaro nga wala kini nagdahum nga makaabot sa session ang pagpadala niya og sulat kalabutan sa maong hisgutanan.
Gikadugang pa sa nasampit nga gusto niya maklaruhan ang tanan aron nga walay mahimong kwestyon oras nga ipatuman ang balaod sa pag-apply sa prangkisa sa tricycle. Kini aron nga masibo ang ilang mga opinion sa maong isyu.
Kahibaluan nga hangtud karon nagpabiling problema ang tricycle sa syudad kung asa kapin na sa 20 ka tuig ang isyu.
Sa miaging tuig gipailawom sa committee of the whole ang balaod sa prangkisa sa tricycle nga maoy gibasehan karon sa application sa franchise.
Apan gikasabutan nga kung may mga malabo nga mga probisyon mas maayo nga amiendahan aron mas mahimong klaro ang tanan.
