GENERAL SANTOS CITY – Aduna nay teorya ang PRO-12 kung unsa ang motibo sa natigayong pagpamusil patay sa pulis sa Tupi Municipal Police station nga si Spo4 Benedicto Gonzaga sa Prk. Santa Lucia Polonuling Tupi South Cotabato, miagi ng adlaw.
Kini ang gibutyag ni Reg’l Dir. P/C/ Supt. Marcelo Morales.
Sa inisyal nga imbestigasyon nga gipahigayon sa kapulisan nga ang nakuhang ebidensiya sa crime scene sama sa slug sa pusil nga gigamit sa pagpamusil kang Spo4 Gonzaga ang nakumpara sa mga basiyo sa pusil nga narekober sa lugar kung asa gipusil patay usab sa riding in tandem si anhing PSI Hernan Gabat sa Polomolok og sa kaso nga pagpamusil patay kay anhing PO2 Charlie Liva sa Tupi gikan sa Surallah PNP paingon unta sa PRO-12 niadtong Uktobre 26, 2017.
Sa pamahayag ni Gen. Morales, nga posibleng may koneksyon kini sa pagpamusil ngadto kang Spo4 Gonzaga.
Una niini , gibutyag ni PCInsp. Bernie Paldas, hepe sa Tupi Municipal Police Station nga gipusil si SPO4 Gonzaga, 54 anyos dihang pauli sa ilang balay sa Polomolok gikan sa presinto.
Ug gani, magretiro na unta ang iyang sakop sunod nga tuig.
Kahibaluan nga gipusil sa ulo og liog si Spo4 Gonzaga hinungdan sa hinanali niining kamatayon.
