Pag-modernize sa mga tricycle ngadto sa electric tricycle, ginatun-an sa SP Gensan

GENSAN-Ginatun-an karon sa Sangguniang Panlungsod sa General Santos City ang pag-modernize sa mga motor tricycle pinaagi sa pagbalhin gikan sa makina nga degasolina ngadto sa electric tricycle.

Sumala kang City Councilor Franklin “Jeng” Gacal, anaa na sa proseso sa pag-draft sa final version ang maong plano.

Matud pa ni Gacal, gikinahanglan ang modernization sa mga tricycle, ilabina tungod sa problema sa mga tricycle driver sa kamahal sa gasolina.

Gilauman nga pinaagi sa pagbalhin ngadto sa electric tricycle, mahimong maminusan ang gasto sa operasyon sa mga drayber.

Gipasabot ni Gacal nga kabahin kini sa mga solusyon nga ilang ginatan-aw aron ma-modernize ang transportasyon sa General Santos City.