-- ADVERTISEMENT --

Unom ka tawo, lakip ang usa ka bata, ang namatay human nahugno ang usa ka bahin sa lima ka andana nga apartment building tungod sa gituohang pagbuto sa natural gas sa Tbilisi, Georgia,

Matod sa mga awtoridad, ang pagbuto gituohang nagsugod sa ikalima nga andana sa dihang gisulayan sa usa ka residente nga pasigaon ang usa ka gas heater.

Samtang, usa ka tulo ka tuig nga batang babaye ang naluwas nga buhi human sa operasyon nga milungtad og pipila ka oras, ug anaa na siya karon sa stable nga kondisyon. Usa usab ka 11 anyos nga batang lalaki ang kasamtangang gitambalan sa intensive care unit.

Tungod sa kadaot sa bilding, 28 ka pamilya—nga naglangkob sa kapin sa 100 ka mga residente—ang temporaryong ibalhin ngadto sa mga hotel.