Pag-ila sa mga lider sa grupo sa Children in Conflict wth The Law, gisugdan sa kapulisan

GENERAL SANTOS CITY – Gisugdan na pag-ila sa kapulisan ang mga lider sa grupo sa Children in Conflict wth The Law ug pangitaon ang ilang gipuy-an aron estoryahon ang mga ginikanan kalabutan sa kalihukan sa ilang anak.

Gibutyag ni Police Chief Instr. Renato Salarda, hepe sa makar Police station nga magpahigayon ug pagbisita ang kapulisan sa mga ginikanan sa CICL.

Tumong niini aron ipahibalo ngadto sa mga ginikanan ang kalihukan sa ilang anak.

Gikadugang ni Salarda nga ipadayon ang pagbisita apan kung malambigit sa kaso ila kining kasuhan basi sa rekomendasyon sa CSWD.

Gikumpirma niini nga sa tulo ka Barangay nga sakop sa ilang presento ang Apopong ug Labangal lamang ang adunay CICL ug wala sa Barangay Sinawal.