-- ADVERTISEMENT --
Duha ka magbabalaod gikan sa party-list ang mi-resign sa ilang puwesto sa House of Representatives kagahapon, Lunes.
Kini na ang pinakaulahing serye sa mga pag-resign sa Kamara human sa pagtangtang sa usa ka kongresista nga giingong nalambigit sa bilyon-bilyong pisong anomalya sa flood control.
Sa gihimong plenary session, gipahibalo ni Zamboanga del Sur Rep. Jeyzel Victoria Yu nga nadawat na sa kapulungan ang mga sulat sa pagbiya nila 1Tahanan Party-list Rep. Nathaniel Oducado ug Pinoy Workers Party-list Rep. Franz Vincent Legazpi.
Sunod niini, pormal niyang gi-file ang mosyon nga tangtangon na ang duha gikan sa opisyal nga listahan sa mga miyembro sa House of Representatives.
