Gibutyag ni Senador Sherwin Gatchalian nga kung unsa man ang pag-amyenda sa Electric Power Industry Reform Act (EPIRA) kay kinahanglan nga moresulta sa pag-ubos sa presyo sa elektrisidad alang sa kaayohan sa mga konsumidor nga padayong nag-antos sa taas nga presyo sa kuryente.
Kining pamahayag ni Gatchalian kay ang panawagan sa Presidente sa iyahang State of the Nation Address (SONA) nga kinahanglang i-review ang EPIRA.
Ang senador nagkanayon nga suportado niya ang panawagan sa Presidente nga amyendahan ang EPIRA aron matubag ang mga isyu nga may kalabotan sa sektor sa enerhiya lakip na ang taas nga presyo.
matud niya, dapat amyendahan ang EPIRA para mahatagan ug mas dako nga ngipon ang Energy Regulatory Commission (ERC) batok sa mga industry players na nagsamuyo ipatuman ang ilang mandato.
Gipasiugda ni Gatchalian nga ang ERC kinahanglan adunay igo nga gahum aron ipatuman ang iyang mandato sa pagpanalipod sa interes sa mga konsumidor ug ang charter niini nga magpasiugda sa kagawasan, transparency, ug accountability.
