Nagpadayon karun ang imbestigasyon sa Makar Police Station kalabutan sa shooting incident sailang area of responsibility.
Gikumpirna usab ni KPS Barangay Kagawad Cezar Canoy nga dili residente sa ilang purok ang biktimang si Alias Gabriel, sa natigayong pagpamusil kagabii alas 5:35, Mayo 17, 2026.
Nasayran nga nagsugod matod pa ang pagpamusil dihang nisangko sa init nga argumento tali sa biktimang Tricycle Driver nga si Alyas Gabriel ug wala mailhing suspetsado nga sakay sa motorsiklo gumukan sa away sa trapiko.
Base sa inisyal nga imbestigasyon sa mga otoridad ang suspek ang usa ka lalaki nga nakasout ug gray jacket, pula nga helmet ug maong na pantalon.
Subay usab sa lain pang mga impormasyon, mga alas 5:35 sa hapon sa kagahapon, ang biktima nga sakay sa Kawasaki Bajaj tricycle nakiglalis sa suspek nga nagsakay sa Kawasaki KLX nga motorsiklo ug walay plaka, diin ang ilang komprontasyon, ang miresulta sa pagpamusil.
Human sa insidente, ang suspek nga armado usab og pistola, misibat sa sa lugar paingon sa wala matino nga direksiyon. Samtang sa karun nagpadayon ang hot pursuit operation sa kapulisan ingon man gina tumbok ang motibo sa maong krimen.
Kahinumduman nga natigayon ang insidente kagabii, Mayo 17, 2026 sa Purok KPS, Zone 2, Barangay Labangal, General Santos City.
