Gipasalig ni Ombudsman Jesus Crispin ‘Boying’ Remulla nga ang imbestigasyon sa mga anomalosong proyekto sa flood control ang nagpadayon bisan pa sa mga panghitabo sa Senado.
Miingon siya nga ilang gisusi pa ang partial blue ribbon committee report nga nadawat sa Senado bahin sa kontrobersyal nga mga proyekto.
Giandam na ang mga draft complaint ug ang mga imbestigasyon nagpadayon karon sa 35 ngadto sa 45 ka mga kaso.
Dugang niya nga ang tanod-bayan nag-imbestiga usab sa mga miyembro sa House ug Senate small committees nga responsable sa pag-finalize sa national budget nga gisumite sa presidente.
Lakip niini mao sila si kanhi Marikina 2nd District Rep. Stella Quimbo, kanhi Zamboanga City Rep. Mannix Dalipe ug House Minority Leader Marcelino Libanan.
Si Quimbo nahimong chairperson sa House Appropriations Committee human sa pag-resign ni kanhi Ako Bicol Party-list Rep. Zaldy Co ug miyembro sa gitawag nga ‘small committee’ diin gi-isyu ang mga insertion sa 2025 national budget.
