Nanawagan ang usa ka grupo nga nagsuporta sa mga biktima sa extra-judicial killings (EJKs) kang Senador Ronald Dela Rosa nga mosurender.
Ang senador nag-atubang karon og warrant of arrest gikan sa International Criminal Court (ICC), human ginganlan nga kauban sa pagpatay ni kanhi Presidente Rodrigo Duterte sa usa ka kaso sa crimes against humanity.
Sumala sa grupo nga Project Paghilom, ang pagbiya ni dela Rosa gikan sa kustodiya sa Senado sayo sa Huwebes sa buntag usa ka klaro nga pagsulay sa paglikay sa tulubagon ubos sa balaod.
Ang coordinator sa Project Paghilom nga si Randy Delos Santos miinsistir nga si Dela Rosa ang angay nga moatubang sa kaso batok kaniya.
Miingon siya nga ang senador kaniadto maisog ug determinado, nga nag-ingon nga atubangon niya kini, apan karon nganong daw giusab niya ang iyang baruganan?
Kahinumduman nga ang Acting Senate Sergeant-at-Arms Mao Aplasca kaniadto miingon nga si dela Rosa mihangyo nga ibutang sa kustodiya sa Philippine National Police (PNP), usa ka lakang nga gisupak sa kampo sa mga biktima sa war on drugs.
