GENERAL SANTOS CITY – Gikatakda na nga sugdan ang construction sa five storey building nga special area nga pagatukoron sulod sa compound sa Dr. Jorge Royeca Hospital.
Matud pa kang Glenville Francis Gonzales, department head sa Dr. Jorge P. Royeca Hospital nga P82M nga gigahin nga pondo sa syudad nga kita mismo sa maong balay tambalanan.
Gibutyag ni Gonzales nga duha ka andana una ang unang ipatukod. Sa maong gambalay mahimutang ang bag-o nga operating room, delivery room, ICU nga may stroke unit, rehab, onco center sa mga breast cancer , respiratory care unit ug daghan pa lakip ang pang exclusive room alang sa OB gyne cases.
Kung mahuman ang maong gambalay mas magmaayo pa ang serbisyo sa Dr. Jorge Royeca Hospital og daghan pa ang matabangan.
Sa hisgutanan sa mga doktor daghan ang mga espesyalistang doktor ang na-hire sa dakbayan og dugangan pa gumikan sa gipalapdan nga serbisyo.
