GENSAN- Gibutyag ni Orly Sabelita, chairman sa General Santos Transport Cooperative, nga wala matuman ang saad sa Service Contracting Program nga payout sulod sa 3 hangtod 5 ka adlaw human sa enrollment, tungod kay sugod pa niadtong Abril 25 wala pa gihapon sila makadawat hangtod karon.
Bisan pa og gilauman nga ma-release niadtong miaging Miyerkules, wala gihapon kini natuman nga nakapugos sa mga operator sa paggasto og dako alang sa krudo nga mokabat og P2,800 kada unit matag adlaw.
Tungod niini, daghan ang napugos sa pagpahunong sa byahe nga nagresulta sa kakulang sa pampublikong transportasyon.
Giingon usab niya nga limitado ra sa modernized units ang nakaapil sa programa samtang ang traditional jeepneys sama sa multicab walay subsidiya.
Busa, naglaum siya nga maapil na ang tanan nga unit sa sunod nga pondo aron matabangan ang mga apektadong transport operators.
