P1,000 kada bulan nga social pension maangkon na sa mga senior citizen sugod ning tuiga sumala sa pasalig sa National Commission on Senior Citizens Commissioner

GENERAL SANTOS CITY – Gipasalig ni Commissioner Edwin Espejo, sa National Commission on Senior Citizens nga sugod ning tuiga anaa na sa P1,000 kada bulan ang social pension sa mga senior citizen.

Matud pa niini nga sigurado na kini gumikan lakip na sa budget sa 2024.

Gihangyo niya ang mga senior citizen nga hulaton lang ang announcement kung kanus- ihatag ang maong pension.

Kahibaluan nga unta sa miaging tuig pa ang dugang nga P500 nga social pension apan wala natigayon tungod wala naapil sa 2023 budget.

Ang mga makadawat sa social pension ang mga indigent senior citizens nga walay pension nga nadawat kada bulan gikan sa gobyerno.