GENSAN – Patay ang usa ka suspek, samtang usa ang samaron ug unom ang nadakpan human ang engkwentro sa mga kapulisan ug grupo nga armado sa Purok Catapang Heights, Barangay Calumpang, kagahapon sa hapon sa Miyerkules, Oktubre 29.
Matud ni Police Captain Rogelio Gabriel Jr, station commander sa Calumpang Police Station, nakadawat og sumbong ang ilang presinto gikan sa mga residente nga adunay grupo sa lugar nga nagdala og armas.
Sa pag-abot sa mga otoridad alas 4:30 sa hapon, gipabuthan sila sa mga suspek, hinungdan nga gibaslan og mga buto sa kapulisan.
Atol sa operasyon, narekober ang mga armas ug gituohang ilegal nga droga nga gigamit sa grupo sa ilang kalihokan.
Giingon usab nga ang mga nadakpan adunay kasaysayan sa mga kasong kriminal ug pipila kanila nanga-priso na.
Karon, padayon pa ang imbestigasyon aron masuta ang tibuok kalambigitan sa grupo ug kung adunay mas lawom pa nga koneksyon sa organisadong krimen sa siyudad.
