SARANGANI PROVINCE-Gilugwayan sa usa ka semana ang gihimong monitoring sa buaya nga nakita sa Sarangani Bay.
Matud ni Shalimar Disomangcop sa PENRO Sarangani, kaniadtong Enero 2 takda unta nga maghimo og ‘trap’ didto sa usa ka lugar sa Maribulan partikular sa sapa nga bahin apan gisuspenso tungod sa nasinatiang pagbaha.
Tungod niini, nakasabotan sa 2 ka teams nga isuspenso una ang pag-trap tungod posibleng gabalhin balhin og lugar sa maong area tungod natugaw sa kusog nga bul-og sa tubig.
Gibutyag ni Disomangcop dakong hagit ang pagdakop sa buaya tungod kini usa ka ‘wild’ nga mananap kung sa idlas kung makamatikod og lihok sa palibot hinungdan nga musalom palayo.
Hinuon, gibutyag sa nasampit nga wala pay nahitabo nga adunay ‘close encounter’ ang buaya sa tawo o may gipaak nga tawo sa buaya.
Alayon niini nanawagan sa ang PENRO Sarangani sa katawhan nga magbinantayon sa tanang oras kung asa likayan usa ang pagligo sa kadagatan o kasapaan tungod anaa gihapon ang hulga sa maong buaya.
