-- ADVERTISEMENT --
GENSAN- Giawhag ni P/Capt. Lamberto Rabino Jr., deputy chief of traffic enforcement unit-Gensan ang mga biktima sa mga abusadong drayber o mga tawo sa kadalanan nga magreport dayon sa kapulisan aron ma-aksyonan ang ilang reklamo.
Sumala pa sa nasampit nga opisyal nga kon dili kini aksyonan, mas modaghan pa ang mga sama nga insidente. Busa, importante nga dili pasagdan ang mga violators aron mapugngan ang pag-uswag sa ilang dili maayong binuhatan.
Gipunting usab niya nga ang kapulisan motubag dayon ug mohatag og angay nga sanction sa mga nakalapas sa balaod.
Gidasig niya ang publiko nga mahimong aktibo sa pagreport aron mapadayon ang kahapsay ug kaluwasan sa kadalanan.
Sa ingon niini, mas mapalig-on ang disiplina ug seguridad sa komunidad.
-- ADVERTISEMENT --
