Usa ka senior staff member gikan sa opisina sa kanhi House Speaker nga si Martin Romualdez nga nakabase sa Tacloban ang mitawag nga “walay basehan” ug “peke nga balita” ang pasangil nga ang magbabalaod ang mikalagiw sa Pilipinas, nga giingong gikan sa iyang mga kaatbang sa politika.
Ang senior staff miingon nga si Romualdez nagpabilin sa Pilipinas ug nagpadayon sa pagtuman sa iyang mga katungdanan sa kongreso bisan wala magpakita sa publiko.
Gihimo sa senior staff ang pagklaro kagahapon, human mikatag ang mga hungihong online nga ang kongresista nagtago o nagsibat na sa nasud human sa bag-o nga pag-freeze sa iyang mga kabtangan nga may kalabotan sa anomaliya sa folood control projects.
Sumala sa staff member, kinsa nagdumili sa pagngalan, si Romualdez dili mobiya sa nasud ug nga sila nakigsulti sa magbabalaod, kanunay nga naghatag og mga instruksyon ug nagmonitor sa mga kabalaka sa iyang distrito.
Si Romuladez kasamtangang gipailalom sa mga travel restriction human ang Sandiganbayan nagpagawas og mando subay sa hangyo sa Office of the Ombudsman, nga nagdumili sa hangyo sa magbabalaod nga mobiyahe paingon sa Singapore alang sa medical checkup.
