GENSAN- Mukabat sa 1,192 ka mga mananagat ang nakadawat og tag-napulo ka kilo nga bugas gikan sa Lokal nga Gobyerno sa Heneral Santos nga gipangulohan ni Mayor Lorelie Geronimo Pacquiao, pinaagi sa City Agriculturist’s Office nga gipangulohan ni Acting Department Head Elsie Villanueva, sa Rice Subsidy Assistance nga gipahigayon sa Brgy. Calumpang Gym, isip tubag sa kasamtangang krisis.
Gipasalig ni Mayor Pacquiao nga ang gobyerno padayon nga naningkamot sa pagpangita og mga konkretong paagi aron matabangan ang mga lungsuranon.
Gipasalig usab sa mayor nga ang pag-apod-apod gibase lamang sa gisumite nga lista sa mga benepisyaryo aron masiguro ang patas ug hapsay nga pag-apod-apod.
Sumala sa City Agriculturist’s Office, kadtong wala maapil sa lista ang hatagan og lahi nga iskedyul aron masiguro nga makadawat usab sila sa gikinahanglan nga tabang.
