GENSAN- Gipahibalo ni PBGen. Arnold Ardiente, ang regional director sa Police Regional office 12 nga sa kasamtangan naka-automatic relieve ang tulo ka personahe sa Makar Police Station ingun man ang station commander niini nga si PMaj. Ari Noel Cardos.
Kini may kalabotan sa nahitabong engkentro tali kapulisan og usa ka suspek kaniadtung nilabay nga adlaw diin napagan ang usa ka menor de edad og kini ang nakabsan sa kinabuhi.
Ang gihimong pagrelieve sa opisyal og upat ka police personnel aron matagaan ug dalan ang gihimong imbetigasyon sa panghitabo.
Atol sa gihimong presscon, gibutyag nga gikan sa gigamit nga armas sa suspek ang bala nga nakaigo sa biktima og dili iya sa nagresponde nga mga sakop sa kapulisan.
Apan bisan pa niini,, gibutyag ni PLCol. Henry D Cay-as, OIC Regional Director sa RIAS 12 nga sa matag operasyon sa kapulisan, ang kaluwasan sa publiko ang nagpabilin nga labing prayoridad. Ang pagpanalipod sa kinabuhi sa inosenteng sibilyan kanunay nga molabaw sa diha-diha nga pagdakop sa usa ka suspek.
Ang mga kaso mahimo gihapon nga ipasaka sa korte pinaagi sa regular nga pagpasaka og kaso. Labaw sa tanan, walay inosenteng sibilyan nga masamdan sa proseso.
