GENERAL SANTOS CITY – Sa Dr. Jorge P. Royeca Hospital na naabtan sa pamilya ang usa ka motorista human makabsan sa kinabuhi tungod sa natigayung vehicular accident.
Giila ang motorista nga si Narciso Mondejar, anaa sa hamtong nga pangidaron ug taga Polomolok, South Cotabato.
Sumala pa sa Traffic Enforcement Unit Gensan, alas 7:20 kagabii, natigayon ang insidente sa Prk 17, Brgy. Mabuhay mimg syudad sa heneral santos.
Duna matud pay kasugat ang nahisgutan nga laing motorista kung diin pagabot sa nahitabuan nagbangga ang duruha, sa kakusog sa impact nalagpot sa laing sakyanan ang biktima hinungdan sa pagkaangkon niini ug severe damage sa panglawas.
Nadala pa sa balay tambalanan ang nahisgutan apan milabay ang pipila ka oras gideklara usab nga patay sa mga attending physician.
Kahinumduman nga nanawagan ang TEU Gensan kung kinsa ang naka-ila sa nasampit, wala nag dugay aduna usab pamilya nga nagpaila sa otoridad.
Ginahulat nalang ang desisyon gikan sa pamilya kung magpasaka ba ug kaso sa kabangga sa nasampit.
