GENERAL SANTOS CITY – Kustodiya pagkakaron sa
Criminal investigation and Detection Group(CIDG)12 ang usa ka monitoring officer matud pa sa usa ka investment group sa syudad human nakumpiska kaniya ang ilegal nga pusil og mga bala.
Kini human gisulod sa raiding team sa Criminal Investigation and Detection Group kon CIDG-12 aging gabie ang balay sa target nga nailhan nga si Bobby Layson, 35 minyo residente sa VSM Homes, Phase 1, sa Brgy. San Isidro ning dakbayan.
Pinasubay sa Search warrant gikan kang Hon. Judge Joyce Kho-Mirabueno sa RTC Branch 58, gisulod sa mga pulis ang balay ni Layson kung asa usa ka caliber 45 pistol ang nakumpiska og 30 ka mga bala.
Sa pag-search pa sa mga pulis, wala nay armas nga nakaplagan apan may dakong kantidad sa salapi ang nakit-an.
Nasayran nga nalakip matud pa ang nasikop nga target sa Manoficent ministry, usa ka investment group sa Brgy Bula nga nagtanyag matud pa og 45% nga tubo sa salapi nga gisulod sa ilang mga miyembro.
Pagkakaron giandam na sa CIDG-12 ang kasong ipasaka sa suspek may kalabotan sa kasong paglapas sa RA 10591 kon illegal possession of firearms and ammunitions nga may girekomendang pinyansa nga mukabat sa P2o0,000.
